ثــــــلاث سنــيـــــــن ....!!

ويسكني الحزن كم حول ..( ثلاث سنين) أو أقدم
تلاشت مـن قواميسي .. معاني البهجه والأفراح


ولاعاد الذي باقي .. سوى .. في خافقي .. (مأتــم)
تـون جراحي وآلامي .. وتحضن بعضها ..بصياح


خيالك .. مرّني وسلم.. او انه .. مــر ولا سلـم
اهو نفس الخيال يمر و (ي ن ث ر) عطره الفواح


مدامك عشقـــي الأوحد .. وانتِ لشعــري الملـهم
وش اللي يجبرك تقفل فــؤادي وترمــي المفتاح


أمانه .. لو رحلت.. الكون أنواره بـدت تظلــم
أمانه من ينيره لو طفى في ليلي ..( المصباح)


أنا بعدك .. منــو بيعطف علي لو أشكي وأتألم
ومن يمسح دمع عيني .. اذا جا الهم بي يجتاح


لعينك..يابعــد عيني .. شفاه القلـب .. تتبسّـم
وكل الناس شافتّك .. في ناظر .. ( دمعي الفضّاح)


( ثلاث سنين ) والفرقا ..وحـوشٍ جات تتهجم
تخلّف مــن مخالبها .. (ألم ..متخالطٍ بجـراح)


دخيل المارد الواقف على ظرفي وسنيني ..( هم )
يجمّع كل ساحاتـه .. ويبعد ..يهجـر..وينزاح


أنــا ماجيت لك .. ناوي .. أثرثرلك وأتكلـــم
ولاجيــت أستلــذ تحنـــان ... (يارزّاق يافتّــــاح)


أنا جيتك ..بشعري وشاعريه تسري وسط الدم
أنا جيت .. أسبح همومي ..(قوافل)..صوبك وارتاح


أنا ياسيّدي أطمح .. دقيقه .. في سماك ألتم
ترى ..هل تسمح أركانك..أكـــون بعالمك ســوّاح

سلمت أناملك عالكلام الحلو
يعطيكي العافية